Sasi Rekha Writings ✍🏻

నీ చిరునవ్వుతో చిత్రహింసలెన్నో పెడతావే…..
మల్లె మొగ్గవు నీవై మత్తులో దించుతావే….
ఎన్నని చెప్పను ఉపమానాలు……
ఎక్కడని వెతకను నా చిరునామాను….
కనిచూపు వలను విసిరి….
వెంట పడినా అందకుండా ఎందుకిలా వేధిస్తావు…
ఏదని చెప్పను నీ సాటి అందం…
ఎంతని చెప్పను నిను చూసిన క్షణం నాలో ఆనందం…
నీ కులుకుతో కునుకు దరిచేరనివ్వవు…
కునుకుపట్టి నిదరోతే కలవై చేరి కనులుతెరువనివ్వవు
ఏమని చెప్పను నాలో ఈ భావం నీవేనని….
నా ప్రేమకు జీవం నీ తోడేనని…. నా ప్రాణమే నీవని… అంటూ విరహావేదనతో అల్లాడుతున్న ప్రేమికుడి మనసు బాధ ఇది
💐!!నేను మీ శశిరేఖ!!💐

చల్లని పవనం మెత్తగా నా మేనును తాకి పులకింపచేస్తుంటే…మేఘుడు చిరుజల్లును ఎక్కడో విరజిమ్ముతున్నాడని తలచి……ఆకసంబును తేరిపారా జూస్తూ…పరవళ్లు తొక్కుతూ గలగలా పారుతున్న కృష్ణమ్మ
యదను ముద్దాడ చెంగు చెంగున గెంతుతున్న తెల్లని కుందేళ్లను తరుముతూ పరుగు పరుగున కాలువ గుట్టును చేరుకున్నా……మనసు మూగబోయి మాటమౌనమాయి..
ఒంటరిగా కూర్చున్న ఓ అందగాడ్ని చూసాను……ఏమోయ్, అక్కడేం చేస్తున్నావ్ అనిపిలవాలనిపించింది…కానీ కన్నుల్లో కోటి కలల కాంతిని నింపుకొని…..మోమున ముచ్చటిగోలిపే ధరహాసాన్ని దాచి,
కుంచెను పట్టుకొని మెలితిప్పుతూ బొమ్మను గీచిన రవి వర్మలా చేతిన గడ్డిపరకను పట్టుకొని పిల్ల కాలువలో నీటిని కదుపుతున్న నవ మన్మధుడిని చూసి గుండెఅదుపుతప్పుతుందేమోనన్న చిన్న భయం మనసున వున్నా….అతడి దరి చేరాలి అన్న ఆశ నన్ను ఇంకా ముందుకు నడుపుతుంటే……అతడిని అలానే చూస్తున్న నా కనుబొమ్మలు రెప్పవేయడం మరచినట్లు తదేకంగా లీనమై నను మరచి అతని నీడగా చేరి నను వెక్కిరిస్తున్నట్లు ఉంది….నా వెంటే వచ్చి నను ఒంటరిని చేసి చినుకై తనని స్పృశిస్తూ నను హేళన చేస్తున్న పవనాన్ని చూసి కను ఎఱ్ఱన చేయాలనిలేదు…..తడుస్తున్న తుంపర్లను చూస్తూ పూల సుగుందపు మరిమళం కన్నా మత్తుగా నవ్వుతున్న అతడి ఎత్తుకు అర అడుగు తక్కువన్నానని తల దించి నను చూస్తాడో లేదో అన్న సందేహంతో……ఇంట చేరి నన్ను నేను 2 అంగుళాలు పెంచుకునే చెప్పుల జతను పాదాలకు లంకించి వచ్చి చూస్తే అక్కడ అంతా సూన్యం…..ఇప్పుడు ఎక్కడని వేతకాలి అతని రూపపు కాంతి నీడను……కట కటా….అంటూ మనసును దోచుకున్న మనిషిని వెతుకుతున్న అమ్మాయి వ్యధ ఇది
💐!!నేను మీ శశిరేఖ!!💐

Continue reading “అతని జాడేది …”

నా కనుపాపల లోయల్లో కదలాడే కన్నీటి బొట్లకు నే సాక్షాన్నై…..
నా ఊహల్లో అనంత విశ్వపు నిట్టూర్పుల కూర్పులో చిక్కి
విలపించిన దేహాన్నై సాగిపోతుంటే ……
కరిమబ్బులు అన్నీ…. నలుదిక్కుల నన్ను మూసేసి….
పయనించే దారులన్నీ…….పగబట్టి శత్రువవోలే నన్ను మ్రింగ యోచన చేస్తే…….
జడివానలు నను తడిపేసి…..వడగాల్పులై కబళించి వేస్తుంటే…..
కనుపాపల లోగిలిలో పెనుచీకటి కమ్ముకు వచ్చి నా జీవాన్ని పెకలించి వేయాలని చూస్తుంటే…..
మరణ మృదంగమే నా చెవులకు వింపుగా వినబడుతుంటే……
ఈ కష్టాల కడలిలో…….కటిక పేదరికపు వాసన లో కూడా ఇంత కన్నీటి సంద్రం దరి చేరలేదే…అని మనసుకు ఏదో బరువు……
ఎందుకు ఈ భారం….. ఎవరికి ఈ దూరం…
చివరికి నేను ఎక్కడికి….
ఒంటరి పయనం జంటగా జత చేరువ వరకా… వేచి చూస్తా కను వాకిట తోడు కోసం……అంటూ కష్టాల కడలిలో ఉన్న ఒక అమ్మాయి కన్నీటి కథను మీతో తెలుపుతూ చెప్తున్న మాటే శుభోదయం మిత్రులారా…..
💐!!నేను మీ శశిరేఖ!!💐

మనసా మౌనమేలనోయ్…..
ఒంటరినని వేధన పడితివా…..
తుంటరి మనిషికై వేగిర పడుతుంటివా….
క్షణకాలపు ఆనంద సంబరము నిను చేరిన….
ఆకాశ విశాలంతా….పెద్ధగై మయూరి నాట్య కవళికలు అన్ని నీలోనే చూపిస్తావే…..
చిరు కంట కన్నీరుల ధార జడివానల నిను తొలిచేస్తే….
అలల సంద్రపు ఉరకలు ఒడ్డున చేరు వరకు వేదనను ఒంటరివై బరిస్తావే…..
నిను మెప్పింప అందం కనుల కంట పడినా …
ఉప్పొంగు ప్రేమ అనంత విశ్వంలో కనపడదే…..
ఇన్ని లయల హొయలు నీకేలనే….
మార్పుల చేర్పులలో మునిగి తేలుతున్న హృదయమా
నీవులేని నా ఈ దేహమునకు విలువేముందే….
మట్టిన కలసిపోవు నాకు జీవమై నాలో ప్రాణాన్ని నింపి….నను మనిషిగా నిల్పి…. నీ హావ భావాలు నాలో పలికిస్తున్న నీకు నా పాదాభి వందనం….అంటూ తన మనసుతో తానే మాట్లాడుకుంటున్న అమ్మాయిల హృదయ అంతరంగాన్ని తెలుపుతూ చెప్తున్న మాటే శుభోదయం మిత్రులారా…..
💐!!నేను మీ శశిరేఖ!!💐